Қостанай облысы әкімдігі білім басқармасының Әдістемелік орталығының жоспарына сәйкес, «Педагогикалық шеберлік мектебі» атты шеберлік сыныбы ұйымдастырылды.
Бұл іс-шара тек оқыту алаңы ғана емес, педагогтардың өзара кәсіби диалог орнататын еркін ортасына айналды. Шеберлік сыныбының жұмысына Қостанай және Рудный қалаларының, сондай-ақ Қостанай, Меңдіқара және Қарасу аудандарының білім бөлімдеріне қарасты бастауыш сынып мұғалімдері қатысты
«Педагогикалық шеберлік мектебінің» басты мақсаты — озық тәжірибемен бөлісу және бастауыш буында инновациялық тәсілдерді енгізу. Қатысушылар заманауи оқыту әдістемелерін егжей-тегжейлі талдап, сабақтарды бүгінгі мектеп оқушылары үшін қалай қызықты әрі тиімді өткізуге болатынын саралады.
Педагогтар жаңа білім алып қана қоймай, өздерінің авторлық жобаларымен бөлісті. Бұл кездесу бастауыш сынып мұғалімдерінің инновацияларды белсенді меңгеріп, білім берудің жоғары стандарттарын сақтап отырғанын дәлелдеді.
Кездесу соңында қатысушылар әрбір педагогтың кәсіби өсуі үшін осындай практикалық сабақтарды тұрақты өткізіп тұру қажеттігін атап өтті.