Костанай қаласы білім бөлімінің М.Горький атындағы гимназиясы базасында «Ұлы тұлғалар жолы» облыстық жобасы аясында маңызды іс-шара – «Бүгінгі күні Горькийді өз дәуірінің адамы деп санауға бола ма?» тақырыбында ауқымды панельдік пікірталас өтті.
Гимназия қонақтарды жай ғана дәріске емес, классика мен қазіргі заман тоғысқан нағыз зияткерлік пікірсайыс алаңына шақырды.
Пікірталас мазмұнды интерактивті форматтармен және терең талдаумен ерекшеленді. Іс-шара жазушының өміріне арналған кинофильмнен басталды. Бұл құрғақ баяндамалар емес, сарапшылардың жанды пікір алмасуы болды. «Биограф» Оспанова Л.П. ресми білімі жоқ тұлғаның табысқа жету құпиясын ашты. «Саясаткер» Науменко И.Я. пікірталас модераторы Москаленко А.Т.-мен бірге сол кезеңде шығармашылық иесінің тәуелсіз болуы мүмкін бе деген сұрақты талқылады. Әдебиетшілер Болотько Т.А. мен Понкратова Л.Н. «Бүгін Горькийді оқу керек пе?» деген ашық сұраққа жауап беріп, оның пьесаларының қазіргі сахнадағы өзектілігін бағалады. Психолог Андренко Е.В. Горькийдің өмір жолы бүгінгі жасөспірім үшін «жол картасы» бола ала ма деген мәселені талдады.
Пікірталастан кейін қонақтар мектептің Тарих музейін аралап, «Старуха Изергиль» шығармасы бойынша драмалық қойылымның премьерасына қатысты. Сондай-ақ «Песня о Соколе», «Песня о буревестнике» шығармалары орындалып, «На дне» пьесасынан үзінді гимназия мұғалімдер театрындағы әртістердің орындауында ұсынылды.
Пікірталас соңында Максим Горький есімі берілген мектеп директорлары ынтымақтастық туралы Меморандумға қол қойып, бұл құжат жоба аясында білім беру ұйымдары арасындағы кәсіби әрі достық байланыстарды нығайтуға ықпал ететін болды.