«ӘДІСТЕМЕЛІК КӨМЕК» ВЕБИНАРЫ
Ағымдағы жылдың 28 қаңтарында география мұғалімдерінің облыстық әдістемелік бірлестігінің жұмыс жоспарына сәйкес білім алушылардың функционалдық сауаттылығын дамыту және білім беру жүйесінде оны қалыптастырудың тиімді құралдарын пайдалану мәселелеріне арналған қашықтық вебинары өтті.

Вебинарды өткізудің мақсаты педагогтерге әдістемелік көмек көрсету, сондай-ақ географияны оқытудың заманауи тәсілдерін іске асыру бойынша тиімді педагогикалық тәжірибе алмасу болды. Қашықтықтан-кездесу аясында география сабақтарында білім алушылардың функционалдық сауаттылығын дамытудың өзекті бағыттары, оқыту мен бағалаудың тәжірибеге бағдарланған әдістері қарастырылды.

Вебинар спикерлері өздерінің педагогикалық тәжірибелерімен бөлісті, білім алушылардың функционалдық сауаттылығы мен сыни тұрғыда ойлауын қалыптастыруға бағытталған тиімді әдістемелік тәсілдерді, практикалық тапсырмаларды және цифрлық құралдарды ұсынды. Ұсынылған материалдар кәсіби қызығушылық тудырды және одан әрі талқылауға негіз болды.

Вебинар белсенді кәсіби диалог форматында өтті: қатысушылар педагогикалық тәжірибелерімен бөлісті, жаңашыл әдістерін талқылады, практикалық мысалдарды қарастырды және тәжірибеге бағытталған сұрақтар қойды. Мұндай формат мұғалімдердің кәсіби құзыреттілігін арттыруға және география мұғалімдерінің әдістемелік құралдарын кеңейтуге ықпал етеді.

Барлық әріптестерімізге белсенді қатысып, қызығушылығы және кәсіби дамуға ұмтылғаны үшін алғыс білдіреміз!