2024 жылдың 15 тамызында Қостанай қаласындағы С. Мәуленов атындағы гимназия базасында тамыз кеңесі аясында облыс физиктері мен математиктері секциясының жұмысы өтті, онда педагогтер сабақтарда жасанды интеллект пен IT технологияларды қолдану бойынша өз тәжірибелерімен бөлісті.
Canva сияқты жасанды интеллектіге негізделген платформалар әдістемелік және дидактикалық материалдарды жасау үшін пайдаланылуы мүмкін, оларды оқушылар үшін анағұрлым тартымды және түсінікті етеді. Бұл оқу процесін жандандыруға және ынталандыруды арттыруға ықпал етеді деп есептейді Қостанай қаласындағы А.М.Горький атындағы гимназияның математика пәнінің мұғалімі Д.Р.Блохина.
Физика сабақтарында жобалау қызметінің технологияларын пайдалану оқушыларға алған білімдерін практикада қолдануға, нақты проблемаларды шешуге және сыни ойлауды дамытуға мүмкіндік береді. Бұл, Қарабалық ауданының Станциялық жалпы білім беретін мектебінің физика пәнінің мұғалімі Д.А. Долгихтың пікірінше, өз бетінше жұмыс істеу және ұжымдық өзара іс - қимыл дағдыларын қалыптастыруға ықпал етеді.
Жалпы, физика мен математиканы оқытуға ЖИ мен цифрлық технологияларды ықпалдастыру білім беру процесін жақсарту үшін үлкен әлеуетке ие, бұл туралы Раймер М.А., Сейтказы З.М., Арбабаева Е.Р. педагогтер айтты.
Секция жұмысына «Зерделі Қостанай» дамыту орталығының директоры Ақалман Ерқасым қатысып, орталықтың жұмысы туралы айтып, тәжірибеде оқушылармен жұмыс кезінде көп уақыт жұмсамай, мысалдарды жылдам есептеуге болатын тәсілдерді көрсетті.
Секцияға қатысушылар білім беру саласына ЖИ мен цифрлық технологияларды енгізу орынды пайдаланған жағдайда болашақ ғалымдарды, инженерлерді және новаторларды тәрбиелеу мен дайындаудың алғышарттарын жасайды деген ортақ пікірге келді.
