1. Жалпы мәліметтер

• Ұйымның толық атауы: Қостанай облысы әкімдігі білім басқармасының «Қостанай қаласы білім бөлімінің С.Мәуленов атындағы гимназиясы» КММ
• ББҰ түрі: орта білім беру ұйымы, білім беру деңгейі бойынша – жалпы орта білім беретін мектеп, оқыту бейіні бойынша – гимназия мектеп
• Меншік нысаны: мемлекеттік ұйым
• Құрылған жылы: 1964 ж.

2. Геолокация және байланыс деректері

• Пошталық мекенжайы: 110000, Қостанай қаласы, Ы.Алтынсарин көшесі, 112
• Ресми веб-сайты: https://mektepgsm.edu.kz/
• Байланыс деректері: 87142512977, Этот адрес электронной почты защищен от спам-ботов. У вас должен быть включен JavaScript для просмотра.

3. Атаулы мәртебесі

• Білім беру ұйымына берілген көрнекті тұлғаның аты-жөні: Сырбай Мәуленов
• Тұлға туралы қысқаша өмірбаяндық мәлімет:
  
  Сырбай Мәуленов (1922 жылғы 17 қыркүйек, Қостанай облысы, Жангелдин ауданы, Торғай ауылы — 1993) — қазақтың көрнекті ақыны, Ұлы Отан соғысының ардагері. 1973 жылы Абай атындағы Алматы мемлекеттік университетін тәмамдаған. 1943–1950 жылдары Қостанай облыстық радиокомитетінде редактор, «Большевиктік жол» (қазіргі «Коммунизм таңы») газетінде бөлім меңгерушісі және редактордың орынбасары қызметтерін атқарды. 1951–1955 жылдары Қазақ мемлекеттік көркем әдебиет баспасының редакциясын басқарды. 1957–1961 жылдары Қазақстан Жазушылар одағының әдеби кеңесшісі болды, кейін «Қазақ әдебиеті» газетінің бас редакторының орынбасары қызметін атқарды. 1964–1971 жылдары «Жұлдыз» журналының бас редакторы болды. Сондай-ақ 1955–1957 және 1971–1977 жылдары «Қазақ әдебиеті» газетінің бас редакторы қызметін атқарды. Сырбай Мәуленовтің алғашқы өлеңі 1937 жылы Жамбыл облыстық «Колхозшы» газетінде жарияланды. Алғашқы «Өлеңдер» атты жыр жинағы 1948 жылы жарық көрді. Ақын қырыққа жуық поэзиялық жинақтың авторы. Оның шығармашылығы қазақ поэзиясындағы лирика жанрының дамуына зор үлес қосты. Ақын өз туындыларында туған жерді, замандастарын және олардың жасампаз еңбегін жырлады. Ақынның белгілі жыр жинақтары: «Жолдас» (1954), «Жас жүрек» (1956), «Жол оттары» (1963), «Жұлдыз жырлар» (1963), «Қызыл арша» (1969), «Ақ мамық» (1976), «Тау гүлдері», «Шалқар», «Жалын» (1979), «Жаңбырсыз күз» (1980), «Күн жылуы», «Алтын ағыс» (1981), «Жұлдыз жүрек» (1985). Ақын кітаптары әдебиеттанушылар тарапынан жоғары бағаланды. 1958 жылы «Таңдамалы өлеңдер», 1966 жылы «Түс мезгілі», ал 1972 жылы екі томдық таңдамалы шығармалар жинағы жарық көрді. Оның шығармалары орыс тілінде Мәскеуде де басылып шықты. Атап айтқанда: «Новая весна» (1956), «Рассвет степи» (1957), «Голубые горы» (1964), «Сок земли» (1970), «Апрельские листья» (1972), сондай-ақ «Избранная лирика» (1967, 1972) және «Горят листья» (1972) жинақтары жарық көрді. 1981–1984 жылдары ақынның таңдамалы шығармаларының үш томдығы басылып шықты. Оның бірінші томы «Алтын ағыс» (1981), екінші томы «Өлеңдер» (1983), үшінші томы «Өлеңдер» (1984) болып жарық көрді.
  
  Сырбай Мәуленов тек ақын ғана емес, белгілі журналист те болды. Ол мерзімді баспасөзбен белсенді байланыста болып, көптеген публицистикалық мақалалар мен очерктер жариялады. «Жар нәрі» (1966) атты әдеби портреттер мен очерктер жинағында республика еңбеккерлерінің жетістіктері туралы жазып, бауырлас одақтас республикаларға жасаған сапарларынан алған әсерлерімен бөлісті. «Аспанда Үркер жарқырайды» (1971) атты кітабы естеліктерден, әдеби портреттерден және этюдтерден тұрады. Онда Абай, Ыбырай Алтынсарин, Сәкен Сейфуллин, Ілияс Жансүгіров, Бейімбет Майлин, Қасым Аманжолов, Николай Тихонов, Мирзо Тұрсынзаде және басқа да көрнекті тұлғалардың өмір жолы мен шығармашылық келбеті шынайы әрі әсерлі бейнеленген. «Ақиқат шапағаты» (1972) атты мақалалар мен очерктер жинағында Кеңестік Қазақстанның елу жыл ішіндегі жетістіктері көрініс тапты. Балаларға арнап «Жас барлаушы» (1961), «Құлын» және «Жолбарыс күшігі» (1963), сондай-ақ Амангелді Имановтың балалық шағына арналған «Қорқақ бұзау» (1968) повесі мен өлеңдерін және басқа да шығармаларын жазды. Сырбай Мәуленов дарынды аудармашы ретінде де танылды. Ол Александр Пушкин, Михаил Лермонтов, Николай Некрасов, Тарас Шевченко, Владимир Маяковский, Александр Блок, Сергей Есенин, Николай Тихонов, Михаил Шолохов, Әлішер Науаи және басқа да орыс пен әлем әдебиетінің көрнекті өкілдерінің шығармаларын қазақ тіліне аударды. 1970 жылы Сырбай Мәуленов Қазақ КСР Мемлекеттік сыйлығының лауреаты атанды. Әскери ерлігі мен әдебиет саласындағы елеулі еңбегі үшін І дәрежелі Отан соғысы орденімен, Қызыл Ту орденімен, Халықтар достығы орденімен, «Құрмет белгісі» орденімен және көптеген медальдармен марапатталған.
• Атау беру туралы растайтын құжаттар: Қазақстан Республикасы Үкіметінің 1997 жылғы 3 қарашадағы №1485 қаулысы
• Атау берілген күні: 1997 жылғы 3 қараша

4. Тарихи анықтама

Ұйымның құрылу және даму тарихы:

• Мектеп ғимараты 1964 жылы салынды.
• 1990 жыл – №24 бастауыш мектеп ашылды.
• 1992 жыл – №24 негізгі мектебі болып қайта ұйымдастырылды.
• 1997 жыл – №24 қазақ орта мектебі болып қайта ұйымдастырылды.
• 1997 жылғы 3 қараша – Қазақстан Республикасы Үкіметінің 1997 жылғы 3 қарашадағы №1485 «Білім және мәдениет ұйымдарына атау беру туралы» қаулысына сәйкес мектепке халық жазушысы Сырбай Мәуленовтің есімі берілді.
• 2004 жылғы 16 тамыз – Қостанай облысы Қостанай қаласы әкімдігінің №1022 қаулысы негізінде С.Мәуленов атындағы қазақ орта мектебі С.Мәуленов атындағы гимназия болып қайта аталды.
• 2006 жылғы 6 қаңтар – Қостанай облысы Қостанай қаласы әкімдігінің №2 қаулысына сәйкес Қостанай қаласы әкімдігі білім және спорт бөлімінің С.Мәуленов атындағы гимназиясы Қостанай қаласы әкімдігі білім бөлімінің С.Мәуленов атындағы гимназиясы болып қайта аталды.
• 2021 жылғы 5 қаңтар – Қостанай облысы әкімдігінің №20 қаулысына сәйкес мекеме «Қостанай облысы әкімдігі білім басқармасының «Қостанай қаласы білім бөлімінің С.Мәуленов атындағы гимназиясы» коммуналдық мемлекеттік мекемесі болып қайта аталды.

Ұйымның өңірдің білім беру және тәрбие кеңістігіне қосқан үлесі:

• Гимназия – сапалы білім беруді қамтамасыз етуге, білім алушылардың жан-жақты дамуына және олардың зияткерлік, шығармашылық әрі тұлғалық әлеуетін толық ашуға қолайлы жағдай жасауға бағытталған заманауи білім беру ұйымы.
• Гимназия педагогтері мен білім алушылары республикалық деңгейдегі пәндік олимпиадаларға, ғылыми жобалар мен ғылыми жарыстарға белсенді қатысып, жүлделі орындарға ие болып келеді. Сонымен қатар олар түрлі шығармашылық және спорттық байқаулар мен жарыстардың жеңімпаздары мен жүлдегерлері атанып жүр.
• Гимназия түлектері Ұлттық бірыңғай тестілеуден жоғары нәтижелер көрсетіп, халықаралық білім беру және ғылыми жобаларға қатысады, сондай-ақ Қазақстан Республикасының және шетелдердің жетекші жоғары оқу орындарына оқуға түседі.
• Гимназияның білім беру қызметі лингвистикалық-гуманитарлық бағыт аясында жүзеге асырылады. Білім беру ұйымында білім алушылардың жан-жақты дамуына, олардың зияткерлік, шығармашылық және спорттық қабілеттерін ашуға, өзін-өзі жүзеге асыру және әлеуметтік белсенділік дағдыларын қалыптастыруға бағытталған түрлі үйірмелер, студиялар мен спорт секциялары жұмыс істейді.

5. Жетістіктері мен үздік тәжірибелері

Білім беру жетістіктері:

• 2018–2026 жылдар аралығында гимназияның 12 түлегі «Алтын белгі» белгісінің иегері, 19 түлегі үздік аттестат иегері атанды.
• Жыл сайын гимназия түлектерінің 55–68%-ы мемлекеттік білім беру грантының иегері атанып келеді.

Олимпиадалар, байқаулар:

• Ө.Жолдасбеков атындағы математика және механикадан халықаралық ғылыми жобалар конкурсы, ІІІ орын – 1 (2024 ж.).
• Жалпы білім беретін пәндер бойынша 5-6 сынып оқушыларына республикалық олимпиада, республикалық кезең, 3 орын – 1 (2024 ж.).
• Жалпы білім беретін пәндер бойынша Республикалық зерттеу жобалары конкурсы, республикалық кезең, 2 орын – 1 (2026 ж.).
• Жалпы білім беретін пәндер бойынша 9-11 сынып оқушыларына республикалық олимпиада, республикалық кезең, Грамота – 1 (2025 ж.).
• Республикалық астротурнир, 1 орын – 1 (2025 ж.).
• 2-7 сынып оқушылары арасында «Зерде» Республикалық зерттеу жұмыстары және шығармашылық жобалар конкурсы, облыстық кезең, 2 орын – 1, 3 орын – 1 (2025 ж.).
• 2-7 сынып оқушылары арасында «Зерде» Республикалық зерттеу жұмыстары және шығармашылық жобалар конкурсы, облыстық кезең, 3 орын – 1 (2026 ж.).
• Қостанай облысының «Үздік олимпиадалық мектеп – 2025 ж.».
• Қостанай облысының «Үздік олимпиадалық мектеп – 2026 ж.».
• Жоғары сынып оқушыларына арналған су ресурстары тақырыбындағы V Қазақстандық республикалық жобалар байқауы, финалист (2026 ж.).
• «Алтын сақа» математикалық олимпиадасы, республикалық кезең, 2 орын – 1 (2025 ж.).
• «Алтын түлек» математикалық олимпиадасы, қорытынды кезең, 1 орын – 1, 2 орын – 3, 3 орын – 1 (2025 ж.).
• «Алтын сақа» математикалық олимпиадасы, республикалық кезең, 2 орын – 1 (2026 ж.).
• «Алтын түлек» математикалық олимпиадасы, қорытынды кезең, 1 орын – 1, 2 орын – 2 (2026 ж.).